Auguri alle donne. 'A custata

Redazione

 

                           ’O Pataterno me levaje ’a custata…

                              pe’ te putè’ crià’,

                              facènnome schiavo ’e te…

                              tutta ll’eternità.

 

                              Me rummanette ll’uocchie...

                              pe’ te putè’ guardà’,

                              sapenno ca sì’ bella…

                              e ca me faje ’ncantà’.

 

                              Me rummanette ’o core…

                              surtanto pe’ t’amà’,

                              pure si chistu core…

                              pe’ te se pò fermà’.

 

                              …E me lassaje ’sta vocca…

                              speruta ’e te vasà’,

                              ma tu, ’nu vaso sulo…

                              quanno m’ ’o faje custà’!

 

                              Ah, Pataterno mio,

                              che male ca me fa…

                              chella ca m’hê criato

                              Tu, tantu tiempo fa;

 

                              meglio ca ’sta custata

                              m’ ’a rummanive ccà…!

                              “E tu- dicette ’a femmena-

 

                              tu ..., che campave a ffa!?”.

Vincenzo Cerasuolo





Articoli correlati



Altro da questo autore