’A Primmavera

Redazione

Ascite fore, gente, ’a dint’ ’e ccase…

nun ’o ssentite comme ll’aria è doce?

’A primmavera canta e manna ’e vase…

e ’a rundinella ’ncielo ne dà ’a voce.

 

Schioppano ’ncopp’a ll’arbere ’e mmimose,

e ’a dint’ ’a terra spontano ’e vviole;

s’approntano ’e currede ’e ciente spose…

se senteno ’e rresate d’ ’e ffigliole.

 

Marzo te dà ’o buongiorno, oj primmavera,

vestènnote cu ’e sciure prufumate;

abbrile se fa doce dint’ ’a sera…

scarfànnote c’ ’o sole d’ ’a jurnata.

 

Stagiona bella, fatta pe’ ll’ammore,

riàle ’e meglie frutte d’ ’a natura;

quanta suspire puorte dint’ ’e core…

’a primma giuventù cu tte s’annura*!

 

Vincenzo Cerasuolo

 

*s’annura=si spoglia, si apre

RIPRODUZIONE RISERVATA © Copyright MARIGLIANO.net


Leggi tutti gli articoli di Redazione >>




Articoli correlati



Altro da questo autore